ZIARA YA MKUU WA WILAYA KATA YA MWAKITOLYO NA SOLWA

Posted on: October 4th, 2023

Mkuu wa wilaya ya Shinyanga  Mhe. Johari  Samizi akiambatana na Kamati ya Ulizi na Usalama ya Wilaya Pamoja na timu ya Wataalamu wa Halmashauri  wakiongozwa na Mkurugenzi Mtendaji wa Halmashauri Ndg. Simon Berege. Amefanya ziara ya ukaguzi wa baadhi ya Miradi ya Maendeleo inayotekelezwa Halmashauri ya Wilaya ya Shinyanga

Miradi iliyotembelewa ni pamoja na Ujenzi wa Mradi wa Shule ya Msingi Mwakitolyo (vyumba vya madarasa 16 na Vyoo Matundu  24, Zahanati ya Mwakityolio, Ujenzi wa Maabala Shule ya Solwa.

Mkuu wa Wilaya ametoa maelekezo kwa Wakandarasi na wasimamizi wa miradi hio kuhakikisha  wanazingatia ubora wa ujenzi  pamoja na kasi ya kukamilisha miradi  kwa wakati.

Mhe. Samizi ametumia ziara hio kumshukuru  Rais wa Jamuhuli ya  Muungano wa Tanzania Mhe. Samia Suluhu Hassan kwa kuendelea kutoa fedha za miradi  ya maendeleo Wilaya ya Shinganga. Hivyo amewaagiza Wataalamu, Watendaji  na wasimamizi wa miradi hio kuwa waadilifu na kuisimamia miradi kwa weledi mkubwa.

Awali, Mhe. Mkuu wa Wilaya alifanya Mkutano wa Hadhara  katika Kata ya Mwakitolyo wa kusikiliza na kutatua Kero za Wananchi.