BABA BORA, SAUTI YA UMMA NA WANAWAKE VIONGOZI WAPATIWA VITENDEA KAZI

Posted on: November 15th, 2024

Meneja Mradi wa World Vision Ndg. Shukrani Dickson wakishirikiana na Shirika la kivulini leo Novemba 15, 2024 wamekabidhi  vifaa vya kutendea kazi kwa  makundi ya Baba bora, Sauti ya Umma (CVA) pamoja na Wanawake Viongozi katika Kata ya Samuye kwa Vijiji vyake vitano.

Ndugu Shukrani amekabidhi Makoti ya Mvua, Miamvuli, Mabuti ya Mvua pamoja na fulana ili waweze kufanya shughuli zao vizuri na jamii kuwatambua kwa urahisi na sare zao.

Vifaa hivyo vimekabidhiwa mbele ya Afisa Maendeleo Kata ya Samuye Ndg. Ibrahimu Hassan Bundo ambaye amewashukuru wadau kwa jitihada hizo wanazozifanya katika Halmashauri ya Wilaya ya Shinyanga.

Makundi haya matatu yanatekeleza Mradi wa Afya na Lishe unaolenga kuboresha afya ya Mama na Mtoto.