WATOA HUDUMA WA AFYA NGAZI YA JAMII KATA YA SAMUYE WAWEZESHWA VITENDEA KAZI

Posted on: September 21st, 2024

Shirika la World Vision likishirikiana na Shirika la Kivulini wamegawa vitendea kazi kwa Wahudumu wa Afya Ngazi ya Jamii CHW katika Kata ya Samuye Halmshauri ya Wilaya ya Shinyanga,ili kuweza kuwarahishia utoaji huduma kwa wananchi .

Ndg, Shukrani Banyiezako Meneja  wa world vision na Bi Eunice Mayengela wa Kivulini waliweza kugawa Baiskeli, tisheti, kofia, na begi  vifaa vyote vikilenga kurahisiha ufikiwaji wa kila mhitaji hali kadharika utunzaji wa nyaraka pamoja na urahisi wa kutambulika pindi wakiwa katika maeneno yao ya kazi.

Bi Monica Mpolosi ni Mtendaji kata ya Samuye amewataka kwenda kutimiza majukumu yao na kuwasihi kuto danganya katika utoaji wa taarifa kwani tayari wamekabidhiwa nyezo zitakazo rahisisha ufikaji na ukusanyaji wa taarifa.

Vilevile Bi Monica amewakumbusha wanapoenda kutimizaa majukumu yao wasisahau kuhamasisha wananchi katika kaya zao kuwa na choo bora cha kisasa lakini pia kuwakumbusha kuwa kila Jumamosi ya mwisho wa mwezi ni siku ya usafi.

Mwisho Mtendaji huyo  amewashukuru viongozi hao kwa kuwakumbuka watoa huduma za Afya  ngazi ya jamiii na kwamba wasiache kuendelea kuwashika mkono kwani kazi yao ni kubwa katika Jamii

WATOA HUDUMA ZA AFYA NGAZI YA JAMII WAKISIKILIZA MAELEKEZO  KUTOKA 

KWA WADAU.

BAISKELI KWA AJILI YA KUWAFIKIA WAHITAJI KWA URAHISI