WATENDAJI WANAOKWAMISHA MIRADI YA MAENDELEO KUCHULIWA HATUA

Posted on: June 14th, 2024

 Mwenyekiti wa Kamati ya Siasa ya Chama Cha Mapinduzi (CCM) Wilaya ya Shinyanga Vijijini Mhe. Edward Ngelela

 amesema hawatawafumbia macho Watendaji ambao wanakwamisha miradi ya maendeleo kwa kuwa Rais anajitahidi 

na anahangaika kutafuta fedha za maendeleo. Hayo ameyasema leo Juni 14 , 2024 wakati wa uwasilishaji wa taarifa ya

 Hamashauri ya Wilaya ya Shinyanga kuhusu utekelezaji wa Ilani ya Chama cha Mapinduzi kwa kipindi cha Januari hadi 

Juni, 2024 iliyowasilishwa kwa Kamati Kuu ya CCM Shinyanga Vijijini katika kikao kilichofanyika katika ukumbi wa mikutano

 wa CCM Mkoa wa Shinyanga. 

 Naye Mkuu wa Wilaya ya Shinyanga Mhe. Wakili Julius Mtatiro amesema hatasita kuwachullia hatua watendaji wa Halmashauri

 ya Wilaya ya Shinyanga ambao wanakwamisha utekelezaji wa miradi ya maendeleo kwa kisingizio cha hatua za manunuzi 

zisizofuata Sheria na weledi katika kazi.  "........ fedha zinatengwa zinafika na zinatumwa kule zinapopaswa kwenda, watu wakiandika 

madokezo wanaambiwa madokezo bado pesa zinaendelea kukaa, ......Mhe.Mwenyekiti huko nilikotoka hakuna fedha ilitengwa na 

ikarudi Hazina, ikitokea hapa, nitakamata kila mtu na nitafanya vurugu kubwa na hakutakalika. Kama Mbunge amepambana na

 Dr. Samia akazileta hairudi hata senti tano....” Amesisitiza Wakili Mtatiro

 Kwa upande wao, Wajumbe wa Halmashauri Kuu ya Wilaya wamempongeza na kumshukuru Rais wa Jamhuri ya Muungano wa

 Tanzania, Mhe. Dr. Samia Suluhu Hassan kwa kuwapatia fedha za utekelezaji wa miradi mbalimbali ya maendeleo katika maeneo yao. 

Wajumbe hao wamewataka Watendaji kutekeleza miradi kwa wakati ili kutimiza azma ya Serikali ya kuwaletea wananchi maendeleo .