WATENDAJI WA VIJIJI WAAGIZWA KUWASOMEA WANANCHI MAPATO NA MATUMIZI

Posted on: June 6th, 2024

Mkuu wa Wilaya ya Shinyanga , Wakili Julius Mtatiro amewataka Watendaji wa vijiji Kata ya

 Solwa kuwasomea wananchi mapato na matumizi kila robo.

Agizo hilo amelitoa wakati wa mkutano wa hadhara uliokuwa na  lengo la  kusikiliza na kutatua 

kero za wananchi uliofanyika katika eneo la standi ya mabasi Solwa Juni 04 , 2024 baada ya 

wananchi  kuwasilisha malalamiko ya kutosomewa mapato na matumizi.

Wakili Mtatiro amebainisha kuwa usomaji wa mapato na matumizi ni wajibu wa kila Mtendaji ili 

kuwawezesha  wananchi kujua mafanikio na changamoto za maeneo yao.

“........nawaagiza Watendaji na Wenyeviti wa Vijiji muanze kuwasomea wananchi mapato na 

matumizi ili kuepusha  migogoro na migongano hasa kwenyeutekelezaji wa miradi ya

 maendeleo......”amesema Mtatiro.

Akiwasilisha salamu za kata , Diwani wa Kata ya Solwa amemshukuru Rais wa Jamhuri ya 

Muungano wa Tanzania, Mhe. Dkt. Samia Suluhu Hassan kwa kuwapatia fedha ambazo 

zimetumika kutekeleza miradi ya maedeleo katika kata hiyo. Miradi iliyotekelezwa ni pamoja 

na ujenzi wa Zahanati, mradi wa umeme na maji  katika kijiji cha Mwakatola, mradi wa maji na

 ujenzi wa shule ya Sekondari katika kijiji cha Manigana, mradi wa vyumba vitatu vya madarasa

 katika  shule ya msingi Manigani, Solwa na Kashishi na mradi wa umeme na maji ya ziwa victoria

 katika kijiji cha Mwabuki.

Mkuu wa Wilaya ya Shinyanga amekuwa na ratiba ya mikutano ya hadahra kwa kila kata kwa ajili ya

 kusikiliza na kutatua kero za  wananchi.