WASICHANA 42479 HALMASHAURI YA WILAYA YA SHINYANGA KUPATIWA CHANJO YA SARATANI YA MLANGO WA KIZAZI

Posted on: April 23rd, 2024

Serikali kupitia Wizara ya Afya inaendelea na utoaji wa chanjo ya  kuzuia  ugonjwa wa Saratani ya Mlango wa Kizazi (HPV) kwa mabinti wa miaka tisa hadi kumi na nne ili kuwakinga na vimelea vya ugojwa huo. Chanjo hiyo imeanza kutolewa katika maeneo mbalimbali katika Halmashauri ya Wilaya ya Shinyanga kuanzaia jana April 22, 2024 na zoezi hilo litamalizika tarehe 28 April, 2024. Maeneo hayo ni pamoja na mashuleni, vituo vya afya, zanahani na maeneo yaliyotengwa.  Halmashauri ya Wilaya ya Shinyanga inatarajia kuwafikia Wasichana 42479 wenye umri wa miaka 9 hadi 14 na kuwapatia chanjo hiyo.

Akizungumzia umuhimu wa chanjo hiyo, Mratibu wa Chanjo Halmashauri ya Wilaya ya Shinyanga Bi. Mwatanga Shaaban amewaasa wazazi kuwaruhusu mabinti zao kupata chanjo ili kujikinga na ugonjwa wa saratani ya mlango wa kizazi.

Muuguzi wa Zahanati ya Solwa, Magoke Abeid akitoa chanjo ya kuzuai 

Saratani ya Mlango wa Kizazi kwa mwanafunzi wa Shule ya Msingi Solwa 

Kata ya Solwa.

Wasichana kutoka Shule ya Msingi Mawemilu wakionyesha kadi zao mara

 baada ya kupata chanjo

Mganga wa Zahanati ya Mwakitolyo Dr. Festo Mzee akiwa katika picha ya

 pamoja na Wasichana waliopata chanjo