WAFUGAJI KATA YA SOLWA WANUFAIKA NA JOSHO LA MIFUGO LILILOJENGWA NA SERIKALI

Posted on: February 22nd, 2024

Wafugaji Halmashauri ya Wilaya ya Shinyanga wametakiwa kutumia majosho kuogesha mifugo yao ikiwa ni njia ya kuzuia wadudu waharibifu na magonjwa ya mifugo ili kuwa na mifugo yenye afya bora. Kauli hiyo imetolewa leo Februari 20, 2024 na Mweyekiti wa Kamati ya Siasa Wilaya ya Shinyanga Vijijini Ndg. Edward Ngelela wakati wa ziara ya kutembelea miradi ya maendeleao inayotekelezwa katika Halmashauri ya Wilaya ya Sinyanga ukiwemo mradi wa ujenzi wa Josho la kuogeshea mifugo lililopo katika kata ya Solwa.

Akizungumzia kuhusu umuhimu wa josho hilo, Ndg. Ngelela amefafanua kuwa kuogesha mifugo kwa kutumia josho huua wadudu wote waharibifu na magonjwa yaa mifugo kwa kuwa mfugo huingia mwili mzima kwenye josho tofauti na uogeshaji wa kunyunyizia ambao huua wadudu kwa baadhi ya sehemu katika mwili wa mfugo.

Aidha, Ndg. Ngelela amemwagiza afisa mifugo kuhakikisha elimu juu ya umuhimu wa kuogesha mifugo kwa kutumia majoshi inatolewa kwa wafugaji kuwa na mifugo yenye afya.

Awali akiwasilisha taaarifa ya mradi huo, Afisa Mifugo  wa Kata ya Solwa, Bw. Lukali Marick amesema mradi huo umekamilika na umegharimu kiasi cha Tsh. 23,000,000.00. Josho la Solwa limeanza kufanya kazi mwezi Desemba 2023 na  linahudumia mifugo ya vijiji vinne ambavyo ni Solwa, Mwandutu, Mwasekage na Mwisemi. Mradi  huo wa Josho unasimamiwa na Kamati ya Josho chini ya usimamizi wa Serikali ya Kijiji na umefanikiwa kuthibiti wadudu waharibifu na magonjwa ya  mifugo.

Muonekano wa Josho lililijengwa na Serikali katika Kata ya Solwa

 linalohudumia vijiji vinne katika kata hiyo.

Afisa Mifugo  wa Kata ya Solwa, Bw. Lukali Marick akitoa taarifa ya Mradi

 wa Josho la kuogeshea mifugo