WADAU WAFUNDWA NAMNA YA KUWAHUDUMIA WATU WENYE ULEMAVU

Posted on: September 12th, 2024

Ni katika warsha iliyokutanisha Halmashauri tatu ikiwemo Halmashauri ya Wilaya ya Shinyanga, Shinyanga Manispaa pamoja na Misungwi ambazo zinatekeleza mradi wa Elimu Jumuishi, Task Order 51.

Warsha hiyo imefayika  katika hoteli ya Karena Shinyanga mjini ikiwa na lengo la  uboreshaji wa mkakati wa ushirikishwaji wa mashirika ya watu wenye ulemavu.

Akizungumza katika warsha hiyo muwezeshaji Bi. Anasteria Gwajima ambaye ni mratibu wa maswala ya jinsia emeelezea namna ya kumsaidia mtu mwenye ulemavu  wa macho kwamba ni vizuri unapomuongoza   vyema  ukamueleza kwa maneno mazingira unayotembea naye ikiwa kuna shimo, kona ama ngazi na sio kumvuta mkono.

Bi Gwajima ameongeza kuwa si vyema wanaume kukimbia familia zao kwa kigezo cha kupata mtoto mwenye ulemavu huku akilaani wale wanaotumia majina kandamizi na kwamba ni vyema unapomtambulisha uanze na neno  mtu mwenye ulemavu ili kutunza utu wake.

Akichangia namna ya kuhudumia  watu wenye ulemavu Mwl, Moshi Bucheyeki Enos wa Shule ya Msingi Mwalukwa A amesema ni muhimu kuendelea kuomba wadau kutengeneza  mazingira wezeshi kwa watu wenye ulemavu ili kusaidia kundi hilo kuchanganyika na wengine.

Kwa upande wake Afisa Elimu Maalumu shule za Msingi Bi Irene Kisweko wa Shinyanga Dc amesema  serikali inaendelea kumuangalia mtoto mwenye ulemavu kwa kuweka miundombinu wezeshi ikiwa ni pamoja na kumpatia chakula kumsaidia katika mazingira yake ya masomo.

Mradi wa Elimu Jumuishi unatekelezwa na umoja wa mashirika manne ADD International, Light for the World, Sense International na Tanzania Cheshire Fondation ukikutanisha mashirika ya watu wenye ulemavu pamoja na baadhi ya maafisa wa serikali.

BAADHI YA WASHIRIKI WA WARSHA KWENYE KAZI ZA MAKUNDI.

MWL MOSHI BUCHEYEKI WA SHULE YA MSINGI MWALUKWA AKITOA MCHANGO WAKE.