VIJANA WASHAURIWA KUFANYA UCHUNGUZI WA AFYA ZAO

Posted on: November 6th, 2024

Dkt. David Mosses kwa niaba ya Mganga Mkuu Mfawidhi wa Hospitali ya Halmashauri ya Wilaya ya Shinyanga  amewashauri vijana kutumia fursa ya huduma za madaktari bingwa wa mama Samia kupima afya zao.

Wito huo ameutoa leo Novemba 06, 2024 wakati  akitoa takwimu za wagonjwa wanaofika kupata huduma za kibingwa zinazotolewa na madaktari bingwa wa Mama Samia katika hospitali ya Wilaya ya Shinyanga zilizoanza kutolewa Novemba 04, 2024.

Dkt David amesema wananchi wamekuwa na mwitikio mzuri na wameendelea na kunufaika na huduma hiyo.

Aidha, Dkt. David amebainisha kuwa  kundi la wazee ni kundi ambalo linaongoza kufika hospitalini hapo kupata huduma.

Naye kiongozi wa kundi la  maktari  bingwa wa wanaotoa huduma za kibingwa,  Dkt. Rebecca Samwel ambaye ni  Daktari bigwa wa usingizi amesema lengo ni kuwafikia na kuwapunguzia gharama na usumbufu wananchi wenye changamoto za kiafya kwani watapata huduma za kibingwa ambazo wangezipata kwa kusafiri kwenda hospitali kubwa kama Muhimbili na Bugando.

Dkt. Rebecca ameongeza kusema kuwa toka huduma zimeanza kutolewa wameshapokea wagonjwa wenye changamoto za matatizo ya uzazi kwa wanawake, shinikizo la damu, vidonda vya tumbo, Watoto wenye selimundu pamoja na utapiamlo.

 Huduma zote zinatolewa kwa gharama nafuu. na huduma hizo zitatamatika Novemba 10, 2024