UTEKELEZAJI WA MPANGO WA CHAKULA SHULENI KATIKA SHULE ZA HALMASHAURI YA WILAYA YA SHINYANGA

Posted on: March 15th, 2024

Wanafunzi wa Shule ya Msingi Iselamagazi wakipata kifungua kinywa na chakula cha Mchana leo Machi 15, 2024.  Halmashauri ya Wilaya ya Shinyanga inaendelea na utekelezaji wa upatikanaji wa huduma ya chakula shuleni kwa shule za msingi ikiwa ni utekelezaji wa mpango wa utoaji chakula shuleni uliozinduliwa na Serikali tarehe 16 Novemba, 2023.

Katika uzinduzi huo, Serikali ilitoa maelekezo kwa Sekretarieti za Mikoa, Serikali za Mitaa na Wadau mbalimbali kuwa kila ngazi ya utekelezaji wa usimamizi wa elimu msingi kuweka utaratibu wa kuandaa mpango kazi wa upatikanaji wa huduma ya chakula na lishe shuleni.

Wakati wa uzinduzi, ilielezwa kuwa Serikali inatambua umuhimu wa chakula na lishe kwa mafanikio ya kitaaluma na ujenzi wa afya za wanafunzi kwa sababu mwanafunzi aliyeshiba darasani wakati wa masomo atakuwa na msikivu, mtulivu na mwenye kupenda shule wakati wote.

.

 Baadhi ya Wanafunzi wa darasa la kwanza na la pili  kutoka Shule ya Msingi

 Iselamagazi wakipata kifungua kinywa

Baaadhi ya wanafunzi wa darasa la sita na la saba kutoka Shule ya Msingi

 Iselamagazi wakipata mlo wa mchana