TIMU YA MENEJIMENTI YA HALMASHAURI YA WILAYA YA SHINYANGA YATEMBELEA MRADI WA UJENZI WA JENGO LA UTAWALA

Posted on: March 19th, 2024

Timu ya Menejimenti ya Halmashauri  ikiongozwa na Kaimu Mkurugenzi Mtendaji Dkt. Nuru Yunge leo 19/03/2024 imetembelea Mradi wa ujenzi wa Jengo la Utawala  la Halmashauri lililopo Kata ya Iselamagazi.

Lengo la ziara hiyo ni kufanya tathimini ya mwenendo wa mradi huo ili kuhakikisha unakamilika kwa wakati kwa kuzingatia viwango vinavyotakiwa.

Akizungumza katika ziara hiyo Dkt. Yunge amewataka wataalam kuendelea kufanya kazi kwa ushirikiano katika usimamizi wa mradi huo.

“ Tuendelee kusimamia Mradi kwa ushirikiano , nawaomba sana tufanye kazi kama timu, kila Mkuu wa Divisheni na kitengo  atimize wajibu wake kuhakikisha mradi huu unakamilika kwa wakati” Amesema Dkt. Yunge.

Menejimeti ya Halmashauri ya Wilaya ya Shinyanga ikikagua mradi wa ujenzi

 wa jengo la utawala la Halmashauri.

Mwonekano wa Jengo la Utawala la Halmashauri ya Wilaya ya Shinyanga