SHINYANGA SPORT CLUB WAWACHAKAZA MOROGORO DC KWA GOLI 2:0

Posted on: September 5th, 2024

Timu ya Ofisi ya  Mkurugenzi wa Halmashauri ya Wilaya ya Shinyanga, Shinyanga Sport Club Leo  Sept 5,2024 wamewachakaza timu ya Halmashauri ya Morogoro goli 2:0 ikiwa ni mechi ya mwisho iliyochezwa katika Viwanja vya Butimba TTC baada ya Fainali za michezo ya SHIMISEMITA

Goli hizo mbili zimefunga na mchezaji namba 5  mgongoni Sulemani Mzimbili katika dakika ya 19 na 35

Kaimu Mkuu Kitengo Cha Michezo Utamaduni na Sanaa Ndg Joseph Bihemo baada ya mchezo amewapongeza wachezaji wote kwa kuonesha uwezo mkubwa wakati wa mchezo na kwamba anaamini Shinyanga Sport Club katika michezo ijayo italeta ushindi mkubwa.

Kwa upande wake Mkuu wa Divisheni ya Utawala na Usimamizi wa Rasilimali watu Ndg David Rwazo amesema ni shauku yake kuona Shinyanga Sport club kuendelea kufanya michezo ya ujirani mwema mara kwa mara ili kujenga ushikamano kwa watumishi pamoja na wafanyakazi wa Halmashauri za jirani.

Michezo ya SHIMISEMITA imetamatika katika uwanja wa michezo Nyamagana huku mgeni rasmi akiwa ni Mkuu wa Mkoa wa Mwanza Mhe. Said Mtandao na kutangaza kuwa michezo ya SHIMISEMITA kwa msimu ujao yanafanyika Jijini Tanga.