SERIKALI YAREJESHA TABASAMU KWA WAKAZI WA TINDE NA DIDIA KWA KUSHUSHA GHARAMA ZA MAJI

Posted on: June 4th, 2024

Serikali imesikia kilio cha wakazi wa Kata ya Tinde na Didia kuhusu maombi yao ya

 kupunguziwa bei za gharama za maji waliyokuwa wakilipa kiasi cha shilingi 2500 kwa 

unit tofauti na maeneo mengine ya Shinyanga ambayo wanalipa shilingi 1400 kwa unit.

 Wakazi hao sasa wataanza kulipa kiasi cha shilingi 1400 kwa unit.

Kauli hiyo imetolewa na Mkuu wa Wilaya ya Shinyanga Wakili Julius Mtatiro wakati wa

 Mkutano wa hadhara uliolenga kupokea na kutatua kero za wakazi wa kata ya Tinde kwa

 kuwahakikishia wakazi hao kuwa tayari EWURA imeidhinisha kushusha bei ya maji katika 

kata hiyo. Mkutano huo umefanyika katika viwanja vya Shule ya Msingi Tinde, kata ya Tinde.

“…. wiki iliyoisha SHUWASA wamenifuata ofisini wakiwa wamepokea barua ya agizo la 

kushusha hizo bei kwa mujibu wa sheria kinachofuata ni hatua ya kutangaza kwenye

 gazeti la Serikali …..”amesema Wakili Mtatiro

Akitoa salamu za Kata, Diwani wa kata ya Tinde, Mhe. Jafary Makwaya amemshukuru 

Rais wa Jamhuri ya Muungano wa Tanzania, Mhe. Dkt. Samia Suluhu Hassan kwa kuiletea 

kata hiyo fedha ambazo zimefanikisha miradi mbalimbali ikiwemo ukarabati wa Shule ya Msingi

 Tinde A na B, ujenzi wa bweni na matundu ya vyoo katika shule ya wasichana Tinde na sekondari

 Kituri, ujenzi wa barabara ya kutoka Tinde kwenda shabuluba, fedha za umeme wa REA kwa kila 

kijiji, ujenzi wa Zahanati  ya Ngokoro na mradi wa maji katika kijiji cha Buchama.

Naye Kaimu Mkurugenzi Mtendaji wa Halmashauri ya Wilaya ya Shinyanga, Bw. Stewart Makali 

akijibu hoja ya wananchi kuhusu ujenzi wa stendi  ya Tinde, amesema kuwa tayari Serikali imetoa 

kiasi cha shilingi milioni 30 kati ya 50 zilizotengwa na ujenzi wa stendi hiyo utaanza mara moja.

Diwani wa kata ya Tinde, Mhe. Jafary Makwaya akitoa salamu za Kata  wakati wa mkutano wa hadhara