MWENYEKITI WA HALMASHAURI AMEWATAKA WATENDAJI WA VIJIJI KUWASOMEA WANANCHI MAPATO NA MATUMIZI

Posted on: May 8th, 2024

Mwenyekiti wa Halmashauri ya Wilaya ya Shinyanga, Mhe. Ngassa Mboje amewaagiza Watendaji wa Vijiji kuwasomea Wananchi taarifa ya mapato na matumizi ya fedha zinazopokelewa ili wananchi hao waweze kufahamu fedha hizo zinavyotumika. Ametoa agizo hilo limetolewa wakati wa  Mkutano wa Baraza la Madiwani wa kupokea na kujadili taarifa za maendeleo ya Kata kwa kipindi cha Robo ya Tatu kwa Mwaka wa Fedha 2023/2024. Mkutano huo umefanyika leo Mei 08,2024 katika ukumbi wa mikutano wa halmashauri uliopo makao makuu ya halmashauri Kata ya Iselamagazi.

Akiwasilisha salamu zilizotolewa na Waziri wa Ofisi ya Rais – TAMISEMI wakati wa kikao cha ALAT, Mhe. Mboje amesisitiza uwepo wa ushirikiano baina ya Madiwani na Wataalamu wa Halmasahuri ili kuepusha migongano kwa kuwa wote wanajenga nyumba moja 

Aidha, amewataka Madiwani na  Mtendaji wa Kata husika kuwa na ushirikiano  katika usimamizi wa miradi ya maendeleo, ukusanyaji  wa mapato pamoja na uandaaji wa taarifa ili kuepusha mkanganyiko wa taarifa na migogoro kwenye kata.

Naye ,Kaimu Mkurugenzi Mtendaji wa Halmashauri ya Wilaya ya Shinyanga Mwl. Stewart Makali amewataka Watendaji hao  kuanza kutekeleza maagizo yaliotolewa na  Mwenyekiti wa Halmashauri haraka  na kuahidi kusimamia utekelezaji wa magizo hayo.

Mwenyekiti wa Halmashauri akizungumza wakati wa Mkutano wa Baraza la

 Madiwani la kupokea na kujadili taarifa za maendeleo ya Kata

Kaimu Mkurugenzi Mtendaji Mwl. Stewart Makali akichangia mada wakati wa

 Mkutano wa Baraza la Madiwani.

Diwani wa Kata ya Mwakitolyo Mhe. Masalu Lusana Nyese  akiwasilisha

 taarifa ya maendeleo ya Kata

Diwani Kata ya Itwangi Mhe. Sonya J. Mhela akiwasilisha taarifa ya

 maendeleo ya Kata

,

Mheshimiwa Diwani akichangia Mada wakati wa majadiliano ya taarifa

Kamati ya Ulinzi na Usalama ya Wilaya na Wataalamu wa Halmashauri wa

 Wilaya ya Shinyanga wakisikiliza kwa makini  uwasilishwaji wa taarifa

 za maendeleo ya Kata.