MSIMAMIZI WA UCHAGUZI HALMASHAURI YA WILAYA YA SHINYANGA ATOA MAELEKEZO KUHUSU UCHAGUZI WA SERIKALI ZA MITAA

Posted on: September 26th, 2024

Msimamizi wa Uchaguzi wa Halmashauri ya Wilaya ya Shinyanga Dkt. Kalekwa  Kasanga  amekutana na Wadau mbalimbali wakiwemo viongozi wa Dini, viongozi wa vyama vya siasa pamoja na wananchi. Ametoa maelekezo muhimu kuhusu  Uchaguzi wa Serikali za Mitaa  leo Septemba 26, 2014.

Msimamizi wa Uchaguzi amewataka wananchi wote wa Halmashauri Wilaya ya Shinyanga kushiriki kikamilifu katika Uchaguzi wa Serikali za Mitaa unaotarajiwa kufanyika Novemba 27, 2024.

Aidha, ametoa wito kwa wananchi wenye sifa kujitokeza kwa Wingi kujiandikisha tarehe 11/10/2024 hadi 20/10/2024 na kupiga kura tare 27/11/2024 kwa Mujibu wa kanuni 13 (GN571) ya kanuni ya ya Uchaguzi wa Mwenyekiti wa Kijiji, Wajumbe wa wa Halmashauri ya kijiji na Mwenyekiti wa Kitongoji katika Mamlaka za Wilaya.

Hata hivyo , amezitaja sifa za mkazi atakayekuwa na haki ya kupiga kura ambazo  ni pamoja na Awe raia wa Tanzania, awe na Umri wa miaka kumi na nane au zaidi, awe mkazi wa eneo la kitongoji, awe na akili timamu na awe amejiandikisha kupiga kura katika kitongoji husika.

Dkt. Kasanga alisisitiza na kuwasihi wananchi wa Halmashauri ya Wilaya ya Shinyanga kufanya Uchaguzi kwa Amani na utulivu bila kuvuruga Amani ya Nchi.

" Serikali za Mitaa, Sauti ya Wananchi, Jitokeze kushiriki Uchaguzi"