Mkurugenzi Halmashauri ya Wilaya ya Shinyanga awaita wataalam wa Maadili 'kuwafunda' Kamati ya Maadili ya Madiwani kwa Siku 2

Posted on: March 12th, 2021

MKurugenzi Mtendaji wa Halmashauri ya Wilaya ya Shinyanga BI. Hoja Mahiba Leo Tarehe 12.03.2021 Amefunguwa Semina ya Siku mbili kwa Waheshimiwa Madiwani ambao ni Wajumbe wa Kamati ya Maadili ya Madiwani wa Halmashauri ya Wilaya ya Shinyanga. 

Akitowa Mada kwenye Semina hiyo, Mtaalam wa Kwanza kutoka Tume ya Maadili Alisisitiza Umuhimu na Majukumu ya Kamati ya Maadili ya Madiwani. Akiwakumbusha Majukumu matatu Makuu ya Kamati ya Maadili kuwa ni:

1. Kushauri Halmashauri kwenye Maamuzi mbalimbali hasa ya Uvunjifu wa Maadili wakizingatia kanuni na Sheria Mbali mbali
2. Kufanya Uchunguzi wa TUHUMA za uvunjifu wa Maadili kwa Madiwani
3. Kushughulikia Matukio yote ya Uvunjifu wa Maadili kwa Madiwani
4. Kusuluhisha inapotokea mitafaruku Kati ya Madiwani na Wataalam Katika Halmashauri

Alisisitiza Mambo Mengi kwa Waheshimiwa Madiwani lakini akitilia Msisitizo kuwa ni Kamati mbili tu ndio zinapaswa kusikiliza Malalamiko ya uvujifu wa Maadili kwa Viongozi yaani ile ya Kamati ya Maadili ya Madiwani kwa migogoro yote ya Waheshimiwa Madiwani ama Mgogoro kati ya Mheshimiwa Diwani na Watumishi, na ile Kamati ya Uadilifu ya Watumishi inayoshughulikia makosa ya Watumishi. Aliwasisitiza Waheshimiwa Madiwani kuzitumia Kamati kusaidia Kupunguza utovuwa nidhamu kwa Viongozi nawatumishi wanapotekeleza Majukumu yao ya Kila siku.

Kwa Siku hii ya Kwanza ya Mafunzo, Mtoa Mada wa Pili kutoka Tume ya Maadili ya Viongozi Alisistiza sana Kuwafundisha Waheshimiwa Madiwani juu ya KANUNI KUHUSU MAADILI YA MADIWANI. ambazo kImsingi Alisema zinazingatia tafuatayo:

• Kujenga na Kudumisha Imani ya Wananchi kwa Viongozi wao
• Kuweka utaratibu mzuri wa Uwazi na Uwajibikaji
• Kujenga mazingira bora ya kuvutia Wananchi kushiriki kikamilifu katika shughuli za maendeleo kwenye maeneo yao
• Kupunguza Migongano Kati ya Madiwani, Watendaji na Wananchi
• Kuweka Bayana Maadili yanayotegemewa kwa Viongozi katika Jamii ya watu: na 
• Kuibuwa na Kudumisha Demokrasia

Akihitimisha Kanuni kuhusu Maadili ya Madiwani Alisisitiza kuwa:

1. Kanuni za Maadili ya Madiwani zinaweka na kufafanua maadilim yanayotakiwa kuzingatiwa na madiwani. Lakini ingefaa ikumbukwe kuwamaadili ni tabia na pia ni mwenendo. Kinachotakiwa ni kiongozi kuwa mfano wa uadilifu na uaminifu na wakati wote kuweka mbele maslahi ya umma badala ya maslahi yake binafsi.
2. Diwani akifanya kazi zake kwa uadilifu na uaminifu, na kwa kuzingatia sheria, kanuni na taratibu zilizowekwa, atajiletea heshima yeye mwenyewe na pia Halmashauri yake.
3. Maadili ya viongozi wa umma kwa nchi yoyote ni jambo muhimu linalowahusu viongozi wote bila kujali tofauti zao za kiitikadi. Vyama vya siasa vinaweza kutofautiana kisiasa, kiitikadi na hata kimtazamo na hivyo kuwa na sera tofauti, lakini machoni mwa wananchi kinachotazamiwa ni uadilifu wa viongozi bora na ubora wa huduma zinazotolewa na viongozi wao.
4. Madiwani wanatakiwa kutoa mfano bora wa uadilifu ikiwa ni pamoja na kutojihusisha kabisa na rushwa. Kwa kufanya hivyo wanaweza kusimamia maadili kwa wale walio chini yao.

Mafunzo hayo Yaliahirishwa kwa Maswali na Majibu na MKurugenzi wa Halmashauri ya Wilaya ya Shinyanga aliyaahirisha Mafunzo hayo saa 9 Alasiri huku akiwasisitiza Waheshimiwa Madiwani na Wawezeshaji kuhakikisha wanafika kwa Wakati kama Walivofanya leo ili Mada zilizoandaliwa zitolewe na kuisha kwa wakati.