MKURUGENZI BEREGE AFANYA KIKAO KAZI CHA KWANZA NA WATENDAJI WA KATA

Posted on: July 11th, 2023

MKURUGENZI MTENDAJI AFANYA KIKAO KAZI NA WATENDAJI WA KATA

Na Afisa Habari Shinyanga DC

Maafisa Watendaji wa Kata wametakiwa kufanya kazi kwa kufwata taratibu, kanuni na sheria za Utumishi wa Umma.

Mkurugenzi  Mtendaji wa Halmashauri ya Wilaya ya Shinyanga  Ndg; Simon Berege ametoa maagizo hayo katika kikao kazi  cha  kusikiliza na kutatua changamoto wanazo kutana nazo Watendaji wa Kata katika maeneo yao ya kazi. Pia kuhimiza kuongeza juhudi za ukusanyaji mapato na usimamizi wa Miradi  Ya maendeleo inayotekelezwa katika Halmashauri.

Akiongea katika kikao hicho Mkurugenzi Berege amewataka Maafisa  Watendaji wa Kata kuhakikisha wanafanya vikao na wananchi ili kuongeza uelewa na ufahamu katika Jamii juu ya Miradi ya maendeleo inayotekelezwa na Serikali. Nakutumia vikao ivyo kama majukwaa ya kutoa Elimu kwa jamii juu ya mfumo wa mapato wa Tausi.

Aidha, Mkurugenzi Mtendaji wa Halmashauri  ametoa maelekezo yafwatayo;
1. Kutengeneza Mkataba wa makabidhiano wa mashine za POS kati ya Halmashauri na Watendaji wa Kata.
2. Kuimarisha ushirikiano kati Watendaji wa Kata na watumishi wengine wa Halmashauri katika zoezi la ikusanya mapato ili kuongeza mapato ya Halmashauri.
3. Vikao vyote vya kisheria vifanyike kwa wakati.
4. Kufungua ofisi kwa wakati, muda wa kuanza kutoa huduma ni 1:30 Asubuhi.
5. Elimu ya mfumo wa mapato wa TAUSI   itolewe kwa Watendaji wa Kata

Mwenyekiti wa Maafisa Watendaji wa Kata  akiaongea kwa niaba ya Watendaji wa Kata  alisema “ tutasimamia  ukusanyaji wa mapato kwa uwadilifu na uwaminifu mkubwa kwa kushirikiana na timu ya usimamizi wa ukusanyaji mapato ya Halmashauri.

Akifunga kikao Mwenyekiti wa Halmashauri ya wilaya ya shinyanga Mhe; Ngasa Mboje  alihimiza Watendaji  wa Kata kutimiza wajibu na kufwata taratibu zilizowekwa. Pia kuongeza juhudi za ukusanyaji mapato na usimamizi wa Miradi ya maendeleo  inayotekelezwa katika Kata zao.