MAPATO NDIO MSINGI WA UBORESHAJI WA HUDUMA ZA AFYA

Posted on: August 19th, 2023

MAPATO NDIO MSINGI WA UBORESHAJI WA HUDUMA ZA AFYA.

Mkurugenzi Mtendaji wa Halmashjauri ya Wilaya ya Shinyanga Ndg. Simon Berege afanya Kikao kazi na Waganga Wafawidhi na Wasaidizi wa Hesabu wa Vituo vya kutoa huduma ya Afya.

Kikao hicho kimefanyika Tarehe 18/8/2023, katika Ukumbi wa Hospitali ya Halmashauri ya Wilaya  ya  Shinyanga, iliopo Makao Makuu ya Halmashauri Kata ya Iselamagazi.

Akiongea katika Kikao hicho, Mkurugenzi Berege  ameeleza umuhimu wa ukusanyaji mapato sekta ya Afya na kuwataka Waganga Wafawidhi na Wasaidizi wa Hesabu kufanya kazi kwa  ushirikiano mkubwa  ili  kuongeza mapato katika maeneo yao ya kazi.

Mkurugenzi Mtendaji amemuagiza Mganga Mkuuu wa Halmashauri  ya Wilaya Shinyanga kuandaa mafunzo ya kuwajengea na kuwaongezea uwezo Wataalam wa Afya katika matumizi ya Mifumo ya mapato.

Aidha, Ndg Berege amewataka Wataalam hao kutoa huduma bora kwa kuzingatia Weledi, Taratibu, Kanuni za Utumishi wa Umma.  Huku akisisitiza matumizi ya lugha nzuri na kuvaa sale za kazi wakati wakitoa huduma kwa Wagonjwa.

Ameongeza kwa kuwahimiza Wataalam hao kuzingatia usafi wa Mazingira katika maeneo yao ya kazi na muda wa kuanza kutoa kazi ni saa 1:30 Asubuhi.

Kwa upande wake Mganga Mkuu wa Halmashauri Dkt Nuru Yunge , amehaidi kutekeleza maagizo yaliotolewa ili kuongeza ukusanyaji mapato divisheni ya afya Halmashauri ya Wilaya ya Shinyanga.