Fedha za mapato ya Halmashauri ziwekwe Benki

Posted on: May 11th, 2024

Mwenyekiti wa Halmashauri ya Wilaya ya Shinyanga Mhe. Ngassa Mboje amesema kuweka Fedha za Mapato Benki inasaidia katika usalama wa Fedha na kuondoa migigogoro baina ya  Wananchi  na Watendaji wa Kata na Vijiji. Aidha, ameagiza Akaunti zote za Benki za Vijiji zilizo kufa zihuishwe  kuzitaka  Kamati za maendeleo ya Kata (WDC) kutekeleza na kusimamia waraka huo.

 Awali , akiwasilisha taarifa ya mkurugenzi Mtendaji wa Halmashauri ya Wilaya ya Shinyanga katika Mkatano wa Baraza la Madiwani wa Kupokea na Kujadili taarifa za Kamati Robo ya Tatu kwa Mwaka wa Fedha 2023/2024 uliofanyika Mei 10, 2024. Kaimu Mkurugenzi Mtendaji Mwl. Stewart Makali aliwataka wakusanyaji wa mapato kuweka Fedha Benki na michango yote katika jamii kwa ajili ya maendeleo ya Kijiji iwekwe Benki.

 Aidha, alieza kuweka fedha Benki ni kuzingatia Waraka Na. 1 wa hazina unaohusu utekelezaji wa Bajeti ya Serikali ya mwaka 2023/2024 na halmashauri ilitoa nakala ya Waraka kwa Viongozi na Watendaji ngazi ya Kata na Vijiji kama rejea.

“katika Waraka huo moja ya masuala yaliyoelezwa  kuzingatiwa ni matumizi ya Mfumo katika makusanyo na matumizi ya Fedha zote katika nganzi zote ikiwemo Vijiji na Kata”. alisema Mwl. Makali

Kwa upande wake mwakilishi wa Katibu Tawala Mkoa wa Shinyanga  Ndg. Fabian Kamoga alisema kwa mujibu wa muongozo ndani ya masaa 24 fedha zinatakiwa ziwekwe  Benki baada ya kukusanya. Na kila inapofika tarehe 15 ya kila Mwezi waziri wa Wizara ya  Ofisi ya Rais Tawala za Mikoa na serikali za Mitaa  atakuwa anatoa taarifa ya mapato kwenye Halmashauri zote Tanzania.

Mwenyekiti wa Halmashauri Mhe. Ngassa Mboje akizungumza wakati wa 

Mkutano wa Baraza la Madiwani la kupokea na Kkujadili taarifa za Kamati

Kaimu Mkurugenzi akiwasilisha taarifa ya Mkurugenzi Mtendaji wa 

Halmashauri ya Wilaya ya Shinyanga

Waheshimiwa Mdiwani wakichangia Mada wakati wa Mkutano wa Baraza

Kamati ya Usalama ya Wilaya na Wataalam wa Halmashauri ya Wilaya ya

 Shinyanga wakiwa kwenye Mkutano wa Baraza la Madiwani wa kupokea 

na kujadili taarifa za Kamati