MAOMBI NA DUA YA KULIOMBEA TAIFA

Posted on: April 22nd, 2024

 Katibu Tawala wa Wilaya, Ndg, Said Kitinga akimwakilisha Mkuu wa Wilaya ya Shinyanga  ameongoza Dua na maombi maalum ya kuliombea taifa letu la Tanzania Pamoja na kumuombea Mhe. Rais wa Jamhuri wa Muungano wa Tanzania Dkt. Samia Suluhu Hassan katika utendaji wake wa kazi kuliongoza Taifa.

Dua na Maombi hayo yamefanyika katika ukumbi wa Lewis Kalijuna  leo 22 Aprili, 2024 Ikiwa ni maandalizi kuelekea maadhimisho ya Miaka 60 ya Muungano wa Jamhuri ya Tanzania.

 Viongozi wa Dini, Watumishi wa Umma na Wananchi kwa ujumla wameshiriki kwenye Dua na maombi hayo.

Akizungumza  wakati wa maombi hayo Ndg. Kitinga amewataka Viongozi wa Dini na Watanzania wote   kuendelea kuliombea taifa kuwa na Amani na Umoja.

“Tuendelee kuenzi, kuthamini na kudumisha Muungano ili kuendeleza amani na kupata maendeleo zaidi” amesema Kitinga.