MAFUNZO YA UWAJIBIKAJI WA PAMOJA YATOLEWA KWA MADIWANI WA HALMASHAURI YA WILAYA YA SHINYANGA

Posted on: February 7th, 2024

Wataalamu kutoka  Tume ya maadili wametoa mafunzo ya uwajibikaji wa pamoja kwa Waheshimiwa  Madiwani  wa Halmashauri ya Wilaya ya Shinyanga. Mafunzo hayo yamefanyika leo 07 Februari, 2024 katika ukumbi wa Mikutano wa Halmashauri .

Mafunzo  hayo yamelenga  kuwakumbusha Waheshimiwa Madiwani namna ya uwajibikaji wa pamoja  katika utendaji kazi ambao unamtaka kila mmoja kutimiza wajibu wake katika kufanikisha malengo ya Halmashauri.

Aidha, mmoja wa wawezeshaji wa mafunzo  hayo amesema kuwa uwajibikaji wa pamoja ni  kuwa na kauli moja na kusimamia maamuzi yaliyofikiwa kwa pamoja, kufuata  sera, sheria na kanuni wakati wa kufanya maamuzi.

Akichangia mada, Mkurugenzi Mtendaji wa Halmashauri ya Wilaya ya Shinyanga Ndg. Kisena Mabuba ameishukuru Tume ya Maadili ya Viongozi kwa mafunzo mazuri na yenye tija “ ni matumaini yangu kuwa mafunzo haya yatatusaidia sisi wataalamu  pamoja na waheshimiwa madiwani kufanya kazi tukiwa timu moja na kutatua changamoto za Wananchi”

Naye Mwenyekiti wa Halmashauri ya Wilaya ya Shinyanga  Mhe. Ngassa Mboje, akifunga mafunzo hayo amewasisiitiza Waheshimiwa Madiwani na Wataalamu kufanya kazi kwa ushirikiano kwa  lengo la kufanikisha utekelezaji wa shughuli za halmashauri ikiwa ni pamoja na ukusanyaji wa mapato, usimamizi wa miradi, ulinzi na usalama.

Afisa maadili  kutoka Tume ya maadili, Bw. Amasha Bura akiwasilisha mada

 ya uwajibikaji kwa pamoja

Waheshimiwa  Madiwani wakifuatilia mada

Katibu Tawala wa Wilaya Ndg. Said Kitinga akichangaia mada wakati wa mafunzo