MADIWANI HALMASHAURI YA WILAYA YA SHINYANGA WAPITISHA MAPENDEKEZO YA BAJETI YA TSH.BILIONI 40.5 KWA MWAKA WA FEDHA 2024/2025

Posted on: February 8th, 2024

Baraza la Madiwani la Halmashauri ya Wilaya ya Shinyanga leo Februari, 2024 limeridhia na kumepitisha Mpango na Bajeti ya Tsh.  Billion 40.5 kwa mwaka 2024/2025. Maamuzi hayo yamefanyika  wakati wa  mkutano maalumu wa baraza hilo uliofanyika katika  ukumbi wa mikutano  wa halmashauri . Fedha hizo zitatumika katika kutekeleza shughuli mbalimbali za utoaji huduma, utawala na utekelezaji wa miradi  ya maendeleo.

Akiwasilisha rasimu ya Mpango na Bajeti ya mwaka 2024/2025 kwa niaba ya Mkurugenzi Mtendaji wa Halmashauri , Afisa Mipango, Bw. Mathew Kayanda ameeleza  kuwa bajeti hiyo imezingatia miongozo ya kitaifa na halmashauri. Miongozo hiyo ni pamoja na kupokea mapendekezo kutoka kwa  wajumbe mbali mbali  katika ngazi ya  Wilaya, Kata, Vijiji, Vitengo na Divisheni za Halmashauri ya Wilaya ya Shinyanga .

Aidha, Bw. Kayanda amefafanua kwamba katika rasimu hiyo ya Bajeti , kiasi cha Bilioni 3.4 ni fedha zitatokana na vyanzo vya mapato ya ndani ya Halmashauri, kiasi cha shilingi  Bilioni 24.9 ni ruzuku ya  mishahara ya Watumishi, kiasi cha shilingi milioni 1.2 ni ruzuku ya uendeshaji wa ofisi ( OC) na kiasi cha Bilioni 10.4 ni kwa ajili ya kutekeleza Miradi ya Maendeleo kutoka Serikali kuu na wahisani.

Naye Mwenyekiti wa Halmashauri katika hotuba yake amemtaka Mkurugenzi Mtendaji wa halmasahuri ya Wilaya ya Shinyanga kuendeleza jitihada alizozianzisha katika kutekeleza majukumu ya halmashauri na kumtaka kutekeleza miradi ya maendeleo kwa wakati  ili wananchi wafurahie matunda ya nchi yao. .... “ nina  imani kubwa na wewe na sina  mashaka na utendaji kazi wako” amesema Mweyekiti

Kwa upande wake Mkurugenzi Mtendaji wakati wa kujibu  mbalimbali, Mkurugenzi amesema amebaini kuwa vyanzo vingi vya mapato haviwekwi kwa uhalisia na hata vinavyowekwa havifikii malengo. Hivyo, amewaomba Waheshimiwa Madiwani na kuwataka watendaji wa halmashauri kuwa kitu kimoja na kufanya kazi kwa ushirikiano ili kuleta maendeleo kwa wananchi. “.....pale ambapo hatufanyi vizuri tuambiwe pasipo kuoneana haya na tunapokosea tukosolewe kwa staha kwa kuwa wote tunaijenga halmashauri moja’....ameeleza Mkurugenzi Mtendaji.

Mwenyekiti wa Halmashauri, Mhe. Ngassa Mboje akifungua kikao cha Baraza

 la maalumu la kujadili na kupitisha rasimu ya Mpango na bajeti.

Mkurugenzi Mtendaji  wa Halmashauri  ya Wilaya Ndg. Kisena Mabuba 

 akichangia mada wakati wa  kikao cha baraza maalumu la madiwani.

Waheshimiwa Madiwani wa Halmashauri ya Wilaya ya Shinyanga 

wakisikiliza kwa makini uwasilishwaji wa mpango na bajeti ya 2024/2025.

Wajumbe wa kikao cha Baraza maalum  la waheshimiwa Madiwani 

Wakichangia mada.

Kamati ya Usalama ya Wilaya na Wataalamu wa Halmashauri ya 

 Wilaya ya Shinyanga wakati wa Mkutano wa Baraza la Madiwani