MADIWANI HALMASHAURI YA WILAYA YA SHINYANGA WAISHUKURU SERIKALI KWA KUENDELEA KUTOA FEDHA ZA MIRADI YA MAENDELEO

Posted on: March 7th, 2024

Mkutano wa Baraza la Madiwani wa robo ya pili kwa mwaka wa fedha 2023/2024 umefanyika Machi 7, 2024 katika ukumbi wa mikutano wa Halmashauri ya Wilaya ya Shinyanga kwa lengo la kupokea taarifa za utekelezaji wa kazi katika kipindi cha robo ya pili kwa mwaka wa fedha 2023/2024 kutoka Kamati za Kudumu. Kamati hizo ni Kamati ya Fedha Uongozi na Mipanga, Kamati ya Afya, Elimu na Maji, Kamati ya Uchumi Ujenzi na Mazingira, Kamati ya Maadili na Kamati ya Kudhibiti Ukimwi.

Akizungumza wakati wa kufungua Baraza hilo, Makamu Mwenyekiti wa Halmashauri ya Wilaya ya Shinyanga Mhe.Nicodemus L.Simon ambaye ni Diwani wa Kata ya Masengwa ametoa shukrani za dhati kwa Rais wa Jamhuri ya Muungano wa Tanzania, Mhe.Dkt Samia Suluhu Hassan kwa kuendelea kutenga fedha kwa ajili ya kutekeleza miradi mbalimbali ya maendeleo katika Halmashauri hiyo.

Aidha, akiwasilisha taarifa ya Mkurugenzi Mtendaji, Kaimu Mkurugenzi wa Halmashauri, Dkt Nuru Yunge amesema Halmashauri imepokea fedha kiasi cha Sh. 541,800,000.00 kutoka Serikali Kuu kwa ajili ya ujenzi wa miradi mbalimbali katika sekta ya Elimu, Afya, Maji na huduma nyingine za Jamii kwa kipindi cha robo ya pili.

“Natoa shukrani kwa Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kuipatia Halmashauri fedha hizi kwa kuwa zitasaidia kwa sehemu kubwa kupunguza uhaba wa miundombinu ya elimu,” alishukuru Dkt. Yunge.

Akiwakilisha taarifa ya Kamati ya Fedha Uongozi na Mipango kwa niaba ya Mwenyekiti wa kamati hiyo, Diwani wa Kata ya Didia Mhe. Luhende P Masele alieleza kuwa katika kipindi cha robo ya pili ya mwaka wa fedha 2023/2024, kamati imetembelea miradi mbalimbali inayotekelezwa na ameipongeza Serikali kwa uwekezaji mkubwa inayoifanya katika halmashauri hiyo.

Makamu Mwenyekiti wa Halmashauri ya Wilaya ya Shinyanga

 Mhe. Nidodemus L. Simon akiongoza Mkutano wa Baraza la Madiwani 

kujadili taarifa za Kamati za Kudumu katika mkutano wa Baraza la 

Madiwani katika kipindi cha robo ya pili ya mwaka wa fedha 2023/2024. 

Kaimu Mkurugenzi Mtendaji Dkt. Nuru Yunge akiwakilisha taarifa ya

 Mkurugenzi Mtendaji wakati wa Mkutano wa Baraza la Madiwani

Mhe. Luhende Masale, Akiwasilisha taarifa ya utekelezaji wa miradi ya

 maendeleo katika kipindi cha robo ya pili kwa mwaka wa fedha 

2023/2024 kutoka  Kamati ya Fedha, Uongozi na Mipango kwa niaba ya

 Mwenyekiti wa Kamati.

Mwenyekiti wa Kamati ya Afya, Elimu na Maji Mhe. Isack Sengelema, 

ambaye pia ni Diwani wa Kata ya Iselamagazi akiwasilisha taarifa ya 

utekelezaji wa miradi ya maendeleo katika kipindi cha robo ya Pili kwa

 mwaka wa fedha 2023/2024  kutoka  Kamati hiyo.

Mwenyekiti wa Kamati Kamati ya Uchumi Ujenzi na Mazingira 

Mhe. Sonya J. Mhela, ambaye pia ni Diwani wa Kata ya Itwangi 

akiwasilisha taarifa ya utekelezaji wa miradi ya maendeleo katika 

kipindi cha robo ya pili kwa mwaka wa fedha 2023/2024.

Mjumbe wa Kamati ya Kudhibiti Ukimwi, Mhe. Susana N. Malembela

 ambaye ni Diwani Viti Maalum akiwasilisha taarifa ya utekelezaji wa

 miradi ya maendeleo katika kipindi cha robo ya pili kwa mwaka wa 

fedha 2023/2024 kwa niaba ya Mwenyekiti wa Kamati.