MADAKTARI BINGWA WA DKT. SAMIA WAMEWASILI KUTOA HUDUMA KATIKA HOSPITALI YA HALMASHAURI YA WILAYA YA SHINYANGA

Posted on: June 17th, 2024

Timu ya Madaktari Bingwa wa Dkt. Samia Suluhu Hassan imewasili leo Juni 17,2024 katika hospital ya

 Halmashauri ya Wilaya ya Shinyanga na imeshaanza kutoa huduma kwa wakazi wa Halmashauri hiyo.

Huduma za kibingwa zimeanza kutolewa leo Juni 17 hadi Juni 22, 2024. Huduma zinazotolewa ni pamoja na

 huduma za afya kwa watoto, afya ya uzazi, wajawazito na magonjwa ya wanawake, magonjwa ya ndani

 ( shinikizo la damu, kisukari n.k), upasuaji na huduma za ganzi na usingizi.

Akizungumza wakati wa mapokezi ya madaktari hao yaliyofanyika mkoani Shinyanga, Mratibu wa Timu hiyo 

ya Madaktari Bingwa Dkt. Everine Maziku kutoka Idara ya Afya,Uzazi,Mama na Mtoto Wizara ya Afya amesema

 mkoa wa Shinyanga umepokea Madaktari 30 ambao watatoa huduma za kibingwa katika halmashauri zote za mkoa huo.

Kwa upande wao wakazi wa halmashauri ya Wilaya ya Shinyanga waliofika hospitalini hapo, wamemshukuru Rais Samia

 kwa kuwaletea Madaktari Bingwa kwa kuwa anawajali wananchi wake kwa kuhakikisha wanaendelea kuwa na afya njema.