MABALAZA YA WATOTO 58 YAHUISHWA KUADHIMISHA SIKU YA MTOTO WA AFRIKA

Posted on: June 16th, 2024

Halmashauri ya Wilaya ya Shinyanga imehuisha mabaraza na madawati ya watoto 58 katika shule 46 za msingi 

na shule 12 za sekondari ikiwa ni hatua muhimu katika malezi, ulinzi , makuzi na maendeleo ya mtoto. 

Hayo yamesemwa na Mkuu wa Divisheni ya Maendeleo ya Jamii, Bw. Joseph E. Ntomela wakati akitoa taarifa

 ya shughuli zilizofanyika kuelekea maadhimisho ya Siku ya Mtoto wa Afrika ambayo yanaadhimishwa tarehe 16

 Juni kila mwaka.Mabaraza ya Watoto ni jukwaa pekee la watoto lilianzishwa na Serikali kwa lengo la kuwashirikisha 

watoto katika kujadili na kutoa maoni yao katika masuala yanayowahusu. Jukwaa hili linalotumika katika kuwaelimisha 

watoto masuala mbalimbali yanayohusu maisha yao ya sasa na baadaye nje ya mfumo rasmi wa elimu, ikiwa pamoja na

 uongozi, uadilifu, uzalendo kwa Taifa lao na masuala mengine mtambuka ikiwa pamoja na VVU na UKIMWI, mazingira, stadi 

za kazi na usawa wa Kijinsia. 

Mabaraza ya Watoto yanaimarisha uwezo wa Watoto katika kujitambua, kujiamini, kujieleza na 

kujilinda dhidi ya ukatili wa aina mbalimbali.