MAAFISA UGANI WAKABIDHIWA VISHIKWAMBI

Posted on: September 5th, 2024

Mkuu wa Mkoa wa Shinyanga Mhe. Anamringi Macha amewakabidhi Maafisa Ugani vishikwambi kwa ajili ya kuchakata taarifa septemba 05,2024 katika ukumbi wa mikutano uliopo ofisi ya Mkuu wa Mkoa.

Akizungumza wakati wa makabidhiano hayo Mhe. Macha amesisitiza Vishikwambi hivyo vitumike kwa shughuli iliyokusudiwa na sio kwa matumizi binafsi.

Aidha, amewataka Maafisa hao kutunza vifaa ili vitumike kwa muda mrefu na kuleta maendeleo katika sekta ya Kilimo.

Hata hivyo RC Macha ameshukuru Serikali ya Awamu ya sita inayoongozwa na Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kuendelea kuboresha Sekta ya Kilimo.