MAAFISA KILIMO WAPATIWA VISHKWAMBI NA VAZI MAALUM KURAHISISHA UTENDAJI KAZI

Posted on: September 11th, 2024

Mkuu wa Divisheni ya Kilimo Mifugo na Uvuvi wa Halmashauri ya Wilaya ya Shinyanga Ndg. Edward Maduhu kwa niaba ya Mkurugenzi Mtendaji amegawa vishkwambi na sare maalum ikiwa ni vitendea kazi kwa Maafisa Kilimo ili kuwawezesha kufanya kazi zao kwa ufanisi.

Ndg. Maduhu amesema vishikwambi hivyo  vitakuwa na uwezo wa kumrahisishia Afisa Kilimo kwa kutoa taarifa za kila Wiki, Mwezi na Mwaka ambapo  kifaa hicho kinaunganishwa na mifumo ya utendaji kazi kama ARDS, M-Kilimo na Mfumo wa Mbolea hivyo atatoa taarifa  ili ziweze kutumwa Mkoani na Wizarani.

Aidha, amewakumbusha Maafisa Kilimo kwenda kutoa elimu ya upimaji udongo na kuwasaidia kuchukua sampuli na kuzipeleka kwenye maabara ya kitaalamu inayopatikana katika Ofisi za kilimo za Halmashauri. Elimu ya upimaji udobgo itamsaidia mkulima kufahamu shamba lake linaitaji mbolea kiasi gani ili aweze kuongeza tija katika uzalishaji wake.

Wakizungumza baada ya kupokea vishkwambi Ndg. Gabaruda Kidaweda ,Afisa Kilimo kata ya Mwenge na Bi. Odetha Ngimbo Afisa kilimo kata ya Salawe wamemshukuru Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kuendelea kuboresha  sekta ya kilimo na  kuondokana na ripoti za makaratasi lakini pia vazi rasmi litawatambulisha kwa wateja kirahisi.

Ugawaji wa vishikwambi kwa Maafisa Kilimo ni mpango wa Wizara ya Kilimo chini ya Waziri mwenye dhamana Mhe,. Hussein Bashe kusaidia maafisa kuweza kuwahudumia wakulima kwa urahisi na kuongeza tija katika ustawishaji wa mazao.

BAADHI YA MAAFISA KILIMO KATIKA PICHA YA PAMOJA BAADA YA KUPOKEA 

SARE NA VISHKWAMBI.