MAAFISA KILIMO NA WATENDAJI WA KATA WAAGIZWA KUSIMAMIA MFUMO WA STAKABADHI GHALANI

Posted on: February 20th, 2024

Mkurugenzi Mtendaji wa Halmashauri ya Wilaya ya Shinyanga Bw. KisenaMabubaamewaagiza Maafisa Kilimo na Watendaji wa Kata kuhakikisha wanadhibiti utoroshaji wa mazao na kuimarisha mfumo wa stakabadhi ghalani  kwa kuwa dhamira ya Serikali ni kuona sekta ya kilimo inawanufaisha wakulima  na Serikali inapata ushuru.Hayo ameyasema leo Februari 19, 2023 katika kikao baina yake na Maafisa Kilimo,Maafisa Mifugo na Watendaji wa Kata  kilichofanyika katika ukumbi wa Mikutano wa Halmashauri . Kikao kazi hicho kililengakujadili utekelezaji wa mfumo wa stakabadhi ghalani kwa mazao ya choroko na dengu

“Kwetu sisi mfumo wa stakabadhi ghalani utatusaidia sana katika ukusanyaji wa mapato, hatutakuwa na kukimbizana na malori yanayotoroka kwa sababu wakiuza na wakinunua mazao ,hela yetu inaingia moja kwa moja kwenye akaunti ya halmashauri”alisisitiza

Katika kuhakikisha kuwa utekelezaji wa mfumo wa stakabadhi ghalani unaanza mara moja,  Bw. Mabuba amewaagiza Mkuu wa Division ya Kilimo, Mifugo na Uvuvi na  Afisa Ushirika kupitia vyama vya msingi vya ushirika (AMCOs) na maghala  yote ya kukusanyia mazao yaliyopo katika Halmashauri na kubaini changamoto zilizopo ili ziweze kutatuliwa haraka.

Matumizi ya mfumo wa stakabadhi ghalani  ni utekelezaji wa agizo la Serikali na maazimio ya wadau wa mazao ya mikunde katika mkoa wa Shinyanga waliokubaliana  kwa pamoja Februari 15,2025  kuwa mazao ya choroko nadengu yauzwe kwa  mfumo wa stakabadhi ghalani ili kumwinua  mkulima kiuchumi.  Mfumo huo utawezesha wakulima wa mazao ya choroko nadengukuwa na uhakika wa soko na kuuza mazao yao kwa bei yenye faida  na kuinuka kiuchumi pamoja na kuongeza uzalizaji wa mazao kwa tija na ubora zaidi.

Mkurugenzi Mtendaji wa Halmashauri ya Wilaya ya Shinyanga

 Bw.Kisena Mabuba akizungumza wakati wa kikao kazi na 

Maafisa Kilimo, Maafisa Mifugo na Watendaji Kata

Baadhi ya Maafisa Kilimo, Maafisa Mifugo na Watendaji Kata wakisikiliza

 kwa makini wakati wa kikao kazi.