Maadhimisho ya siku ya mtoto wa Afrika yafana Wilayani Shinyanga

Posted on: June 15th, 2019

Halmashauri ya Wilaya ya Shinyanga  kwa kushirikiana na wadau mbalimbali wanajishughulisha na masuala ya kutetea haki za wanawake , vijana na watoto,wameadhimisha siku ya mtoto wa Afika duniani.Maadhimisho hayo yamefanyika kwenye viwanja vya shule ya msingi Singita iliyopo katika kata ya Usanda, aidha kimkoa maadhimisho hayo yatafanyika June 16 wilayani Kahama.

Kauli mbiu ya maadhimisho ya siku ya mtoto wa Afrika mwaka huu "Mtoto ni msingi wa taifa endelevu , Tumtunze ,Tumlinde , na Kumuendeleza."

Mgeni rasmi katika maadhimisho hayo Bi. Christina Bukori , akimwakilisha Mkuu wa Wilaya ya Shinyanga Jasinta Mboneko  , amewataka wazazi kutumia maadhimisho hayo kuacha vitendo vya kiukatili kwa watoto wao , aidha wanatakiwa kuwalinda pamoja na kuwatimizia mahitaji yao muhimu ili kutimiza ndoto zao.

Afisa ustawi Wilaya Bw. Deus Mhoja akitoa neno siku ya maadhimisho ya mtoto wa Afrika yaliyofanyika katika kata ya Usanda wilyani Shinyanga.

Kikundi cha kwaya ya  Agape kutoka shule ya msingi Singita kikitumbuiza kwaya yenye ujumbe wa kuwalinda watoto siku ya maadhimisho ya mtoto wa Afrika duniani.