MAADHIMISHO YA SIKU YA MTOTO WA AFRIKA HALMASHAURI YA WILAYA YA SHINYANGA

Posted on: June 19th, 2024

Na Monica Mnanka, Shinyanga DC

Halmashauri ya Wilaya ya Shinyanga imeadhimisha Siku ya Mtoto wa Afrika Juni 19, 2024 katika viwanja 

vya Shule ya Msingi Didia, Kata ya Didia.

Katika maadhimisho hayo, mgeni wa heshima alikuwa Afisa Maendeleo ya Jamii wa Mkoa wa Shinyanga, 

Bi. Rehema Edson ambaye ameongoza mdahalo wa watoto kuhusu haki za mtoto kwenye maeneo ya haki 

ya kulindwa, haki ya kushiriki, haki ya kutobaguliwa, haki ya kutonyanyaswa, haki ya kushiriki kutoa maoni 

na haki ya kuendelezwa.

Aidha, mashirika yasiyo ya kiserikali yanayotekeleza shughuli zake katika halmashauri ya Shinyanga

 yameshiriki kutoa elimu ya kuwajengea wananchi uwezo wa kupinga ukatili wa kijinsia.

Vile vile, imetoa elimu ya stadi za maisha na ushirikishwaji wa watoto wenye ulemavu kupata haki zote 

za msingi.  Mashirika hayo yaliyoshiriki ni pamoja na shirika la Pasheshi, TAI, THUBUTU, YAWE, GCI, 

SHEDEPHA, TCRS na SHAI EVAC.

Maadhimisho ya Siku ya Mtoto wa Afrika duniani huadhimishwa kila tarehe 16 Juni.