KIKAO CHA TATHMINI YA MATOKEO YA MOKO NGAZI YA WILAYA NA MKOA

Posted on: July 3rd, 2024

Maafisa Elimu Kata na Walimu Wakuu wa Shule za Halmashauri ya Wilaya ya Shinyanga wametakiwa 

kujenga mahusiano mazuri kati yao na walimu na jamii ili kuongeza ufaulu na kuondoa utoro kwa wanafunzi.

Maagizo hayo yametolewa na Mkuu wa Divisheni ya Elimu ya Awali na Msingi Mwl. Andrew Mitumba wakati wa

 kikao cha tathimini ya matokeo ya Moko wilaya na mkoa kilichofanyika Julai 02, 2024 katika ukumbi wa mikutano

 wa halmashauri.

Wakijadili mipango mikakati ya kuinua ufaulu na kuondoa utoro kwa wanafunzi, watendaji hao wamekubaliana kuinua

 ufaulu wa wanafunzi kufikia 85% kwa mitihani ya kitaifa ya darasa la saba na la nne 2024.

Mikakati mingine iliyowekwa ni pamoja na kubaini mada ngumu zinazo washinda wanafunzi na kuongeza nguvu ya

ziada katika ufundishaji, kuhakikisha shule zote zinatoa chakula kwa wanafunzi na kutoa mazoezi mengi kwa wanafunzi

 ili kuwajengea uzoefu na kujiamini.

Pamoja na maelekezo aliyoyatoa, Mwl. Mitumba amewapongeza walimu kwa kazi nzuri ambayo wanaendelea kuifanya 

hasa matokeo mazuri ya moko mkoa  ambapo Halmashauri ya Wilaya ya Shinyanga imeshika nafasi ya kwanza kimkoa  

kwa kupata 78.89.