KATIBU MKUU CCM AMKABIDHI RC MACHA KERO ZA WANA SHINYANGA DC

Posted on: October 9th, 2024

Katibu Mkuu wa Chama Cha Mapinduzi CCM Balozi Dkt. Emmanuel Nchimbi Leo Oktoba 9, 2024 amemkabidhi Mkuu wa mkoa wa Shinyanga Mhe. Anamring Macha kero za wananchi wa Halmashauri ya Wilaya ya Shinyanga.

Kero hizo amekabidhiwa wakati wa mkutano wa hadhara uliofanyika uwanja wa Shule ya sekondari Tinde Kata ya Tinde

Akipokea maelekezo hayo Rc Macha ameahidi  kuandaa timu ya wataalamu wa Halmashauri ili kuweza kuzitatua  kwa uharaka.

Balozi Chimbi yuko katika ziara ya kikazi wilayani  kwa lengo la kukagua uhai wa chama, kukagua utekelezaji wa ilani ya chama na kusikiliza kero za wananchi.

Aidha  RC Macha ameishukuru Serikali ya awamu ya sita chini ya Rais wa Jamhuri ya Muungano wa Tanzania Dkt Samia Suluhu Hassan kwa kufanikisha miradi ya maendeleo mbali mbali ikiwemo Ujenzi wa miundombinu ya Shule, Afya na barabara.

Akiwa anahitimisha mkutano wake wa hadhara Katibu Mkuu amewakumbusha Wananchi kwenda kujiandikisha katika Orodha ya Wapiga Kura  ili waweza kuwa na sifa za Kushiriki Uchaguzi wa Serikali za Mitaa.