KAMATI YA SIASA YA MKOA WA SHINYANGA YATEMBELEA MIRADI YA MAENDELEO KATIKA HALMASHAURI YA WILAYA YA SHINYANGA

Posted on: February 22nd, 2024

Kamati ya Siasa ya Mkoa wa Shinyanga imefanya ziara ya kutembelea miradi minne ya maendeleo inayotekelezwa katika Halmashauri ya Wilaya ya Shinyanga kwalengo la kukagua  nakujionea hatua za utekelezaji wa miradi hiyo.

Ziara hiyo imefanyika Februari 22 ,2023 na kuongozwa na Mwenyekiti wa kamati hiyo Ndg. Mabala Mlolwa. Kamati imetembelea mradi wa ujenzi wa shule mpya ya Sekondari ya Mawemilu katika kijiji cha Mawemilu ambacho ni miongoni mwa vijiji sita vya kata ya  Mwakitolyo.

Akitoa tarifa ya mradi huo, Mtendaji Kata, Bw. Faustine Buyunge amesema kuwa maamuzi ya uanzishaji wa mradi huo yalifanyika kupitia kamati ya maendeleo ya kata iliyoazimia uwepo wa shule  ya pili ya sekondari katika kata hiyo. Mradi huo ukikamilika utasaidia watoto kutotembea umbali mrefu. Kwa sasa vimejengwa vyumba vitatu vya madarasa ambavo vimefikia hatua ya kupauliwa na vimegharimu kiasi cha Tsh.25,214,000.00.

Mradi mwingine uliotembelewa ni matengenezo ya barabara  ya Mwakitolyo- Nyang’ombe katika kata ya Mwakitolyo  wenye thamani ya Tsh. 66,344,000.00 ambao ulianza Februari 06,2024 na unataajiwa  kukamilika Aprili 04, 2024 mwaka huu. Ukamilishaji wa mradi huu utawezesha barabara hiyo kupitika kwa urahisi .

Aidha, kamati imejionea utekelezaji wa mradi wa ujenzi wa shule mpya ya  Awali na Msingi Songambele iliyopo katika  Kata ya Salawe wenye thamani ya Tsh. 560,330,000.00. Vile vile, kamati imetembelea mradi wa maji ambao upo katika vijiji  vya Nyaligongo na Nyang’ombe ulioanza Januari 31 na utamalizika April 30 mwaka huu.

Akizungumzia kuhusu miradi hiyo, Ndg.Mlolwaamemshukuru Rais wa Jamhuri ya Muungano wa Tanzania, Mhe. Samia Suluhu Hassan kwa kuipatia halmashauri ya Wilaya ya Shinyanga fedha ambazo zimewezesha utekelezaji wa miradi ya maendeleo na pia ameipongeza halmashauri ya Wilaya ya Shinyanga kwa kusimamia vizuri miradi ya maendeleo.

Mwenyekiti wa Kamati  ya Siasa Mkoa wa Shinyanga, Ndg. Mabala Mlolwa 

akifungua bomba la maji  wakati akikagua mradi wa maji unaotekelezwa

 katika vijiji viwili vya Nyaligongo na Nyang’ombe katika halmasahuri ya

 wilaya ya Shinyanga.

Wajumbe wa Kamati ya Siasa ya Mkoa wa Shinyanga wakikagua mradi

 wa ukarabati wa barabara ya Mwakitolyo- Nyang’ombe katika kata ya

 Mwakitolyo wakati wa ziara ya kukagua miradi ya Maendeleo katika 

Halmashauri ya Wilaya ya Shinyanga

sehemu ya kipande cha Barabara kinachofanyiwa ukarabati

Mtendaji Kata ya Mwakitolyo Bw. Faustine Buyunge, akiwasilisha 

taarifa ya mradi wa shule mpya ya Sekondari ya Mawemilu

Mwonekano wa Shule ya awali ya Songambele

Wajumbe wa Kamati ya Siasa ya Mkoa wa Shjnyanga wakikagua

 ujenzi wa shule ya Msingi Songambele

Mwonekano  wa mbele wa shule ya Msingi Songambele

Mwonekano wa Shule ya awali ya Songambele