KAMATI YA SIASA SHINYANGA VIJIJINI IMEKAGUA MIRADI YA ELIMU, MAJI NA MIUNDOMBINU

Posted on: June 5th, 2024

 Mwenyekiti wa Kamati ya Siasa ya Chama Cha Mapinduzi (CCM) Wilaya ya Shinyanga

 Vijijini Mhe. Edward Ngelela amewataka wasimamizi wa miradi kufanya usimamizi mzuri

 wa miradi inayotekelezwa katika Halmashauri ya Wilaya ya Shinyanga kuwezesha miradi 

hiyo kukamilika kwa wakati na kwa viwango vinavyostahili ili kutimiza azma ya Serikali ya 

kuwanufaisha wananchi.

Maagizo hayo ameyatoa Juni 04, 2024 wakati wa ziara ya kamati ya Siasa ya Wilaya 

kutembelea na kukagua miradi ya maendeleo  katika sekta ya Elimu, Afya, Jengo la

 Utawala na ujenzi wa barabara.

 Miongoni mwa miradi iliyotembelewa ni pamoja na ukamilishaji wa vyumba viwili vya 

madarasa, ujenzi wa vyumba viwili vya madarasa mapya na matundu nane ya vyoo

 katika Shule ya Sekondari Pandagichiza, ujenzi wa jengo la utawala la halmashauri na

 ujenzi wa bweni la wanafunzi wenye mahitaji maalumu katika Shule ya Msingi Iselamagazi. 

Miradi mingine ni ujenzi wa mradi wa maji wa vijiji vya Mwampangabule, Sumbingu, Jimondoli 

na Zumve awamu ya kwanza na matengenezo ya barabara ya Mwawaza –Iselamagazi.

Mhe. Ngelela ameipongeza halmashauri kwa usimamizi mzuri wa jengo la utawala la 

halmashauri ambalo kwa sasa liko katika hatua nzuri ya ukamilishaji, ujenzi wa mradi wa maji,

 madarasa na vyoo.

“tunashukuru kwa sasa tunaona kazi inaenda kuliko ilivyokuwa zamani…,walikuwa wameshakata 

tamaa na wananchi waliamini majengo ya Serikali yanaenda pole pole…...”

Naye Mkuu wa Wilaya ya Shinyanga, Wakili Julius Mtatiro amesema anayo imani kubwa na utendaji 

wa Mkurugenzi Mtendaji wa Halmashauri ya Wilaya ya Shinyanga Bw. Kisena Mabuba na kwamba

 mambo mengi yataenda vizuri chini ya uongozi wake. Ametoa rai kwa   Mwenyekiti wa Halmashauri 

na Baraza lake, Wakuu wa Divisheni na Vitengo kutoa ushirikiano kwa Bw. Mabuba.

 Utaratibu wa Kamati ya Siasa kutembelea miradi ya maendeleo unalenga kujionea utekelezaji 

wa miradi hiyo ili kuhakikisha kuwa miradi ya maendeleo inayotekelezwa kwa viwango vinavyotakiwa 

na kwa dhamani ya fedha iliyotolewa na Serikali.

Wajumbe wa Kamati ya Siasa wakipokea taarifa ya  utekelezaji wa ujenzi wa vyumba viwili vya 

madarasa , ukarabati wa  vyumba viwili vya madarasa na mashimo nane ya  choo katika Shule ya 

Msingi ya Pandagichiza