KAMATI YA FEDHA, UONGOZI NA MIPANGO HALMASHAURi YA WILAYA YA SHINYANGA YAFANYA ZIARA YA UKAGUZI WA MIRADI YA MAENDELEO

Posted on: February 21st, 2024

Kamati ya Fedha, Uongozi na Mipango ya Halmashauri ya Wilaya ya Shinyanga ikiongozwa na Mwenyekiti wa Halmashauri Mhe. Ngassa Mboje Februari 19, 2024 imefanya ziara ya kukagua miradi ya maendeleo kujionea uhalisia wa utekelezaji wake.

Miradi ya maendeleo iliyotembelewa ina thamani ya Sh.403,000,000.00. Miradi hiyo ni ujenzi wa nyumba za Wakuu wa Divisheni uliopo makao makuu ya halmashauri katika Kata ya Iselamagazi wenye thamani ya Sh.390,000,000.00 na mradi wa kikundi cha vijana cha Umoja wa Bodaboda Iselamagazi) wenye thamani ya Sh. 13,000,000.00.

Akiongea wakati wa ukaguzi wa mradi wa ujenzi wa nyumba za Wakuu wa Divisheni, Mwekekiti wa kamati hiyo, Mhe Ngassa Mboja amehimiza wasimamizi wa mradi kuutekeleza kwa ufanisi mkubwa na kuongeza kasi ya ujenzi ili uweze kukamilika kwa wakati “Wahandisi wa Halmashauri wanaosimamia mradi wahakikishe mradi unatekelezwa kulingana na makisio ya gharama za ujenzi (BoQ) inavyoelekeza” alielekeza.

Aidha, kamati imewapongeza vijana wa kikundi cha Umoja wa Bodaboda Iselamagazi kwa kuweza kurejesha kiasi cha sh. 11500000 kati ya 13000000 walizo kopeshwa na halmashauri kupitia mkopo wa vijana unayotokana na mapato ya ndani. Pia kamati hiyo imetoa wito kwa vijana wengine kutumia fursa ya mikopo ya vijana inayotolewa na halmashauri ili waweze kujikwamua kiuchumi.

Akihitimisha ziara hiyo hiyo, Mhe. Mboje amemshukuru Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kuendelea kutoa fedha kwa ajili ya miradi ambayo inayotekelezwa katika maeneo mbalimbali ya halmashauri ya wilaya ya Shinyanga. Vile vile ameiagiza timu ya Wataalamu wa Halmashauri kuhakikisha wanasimamia na kufanya ukaguzi wa mara kwa mara katika miradi na kuzingatia thamani ya fedha ili kuweza kuhakikisha tunamuunga mkono Mheshimiwa Rais kwa vitendo.