HALMASHAURI YA WILAYA YA SHINYANGA YAPONGEZWA KWA USIMAMIZI MZURI WA MRADI WA UJENZI WA JENGO LA UTAWALA NA MRADI WA NYUMBA ZA WAKUU WA DIVISHENI

Posted on: May 18th, 2024

Mkuu wa Mkoa wa Shinyanga Mhe. Anamringi Macha ameipongeza Halmashauri ya Wilaya ya Shinyanga kwa utekelezaji mzuri wa mradi wa ujenzi wa jengo la utawala pamoja na ujenzi wa nyumba za Wakuu wa Divisheni.

Ametoa pongezi hizo Mei 17, 2024 akifanya ziara ya ya kukagua miradi ya maendeleo na kufanya kikao na Watumishi wa Halmashauri ya Wilaya ya Shinyanga.

Mkuu wa Mkoa amekagua Miradi mitatu ambayo ni mradi wa ujenzi wa Kituo cha Afya Salawe kilichopo Kata ya Salawe na mradi wa ujenzi jengo la utawala na ujenzi wa Nyumba za Wakuu wa Divisheni halmashauri ya wilaya ya shinyanga uliopo Kata ya Iselamagazi.

Akizungumza wakati wa ukaguzi wa mradi wa ujenzi wa jengo la utawala na Nyumba za Wakuu wa Divisheni, Mhe. Macha amekili kufurahishwa na utekelezaji wa miradi hiyo Divisheni.

“ Nakupongeza sana Mkurugenzi Mtendaji kwa usimamizi mzuri wa Mradi wa ujenzi wa jengo la utawala na Mradi wa nyumba za Wakuu wa Divisheni nimelizishwa na majengo haya hakikisha miradi hii inakamilika kwa wakati ili kuboresha utoaji huduma kwa Wnanchi.” Alisema Mhe.Macha.

Mhe. Macha ilihitimisha Ziara hiyo kwa kufanya Kikao kazi na Watumishi wa Halmashauri ya Wilaya ya Shinyanga kilichofanyika katika ukumbi wa Halmashauri asisitiza uadilifu.