HALMASHAURI YA WILAYA YA SHINYANGA YAPONGEZWA KWA KUPATA HATI SAFI

Posted on: June 25th, 2024

Na. Paul Kasembo, SHINYANGA DC.

Mkuu wa Mkoa wa Shinyanga Mhe. Anamringi Macha ameipongeza halmashauri ya Wilaya ya Shinyanga

 kwa kupata hati safi na kuitaka Halmashauri hiyo kuitumia vizuri Hati Safi waliyoipata kutekeleza yale yote 

yaliyokuwa yamekusudiwa ikiwa ni pamoja na utekelezaji wa Ilani ya Chama Cha Mapinduzi (CCM) .

Kauli hiyo ameitoa leo Juni 25, 2024 wakati wa mkutano maalum wa Baraza la Madiwani la kupitia na

 kujadili taarifa ya hoja za CAG kwa mwaka wa fedha 2022/2023.

Mhe. Macha ametoa pia pongezi kwa halmashauri kwa kuendelea kutekeleza miradi ya maendeleo 

ikiwemo ujenzi wa jengo la Utawala ambalo kwa muda kiasi lilisimama ila kwa sasa ujenzi wake unakwenda 

kwa kasi sana na umefikia hatua ya umaliziaji . Aidha, ameshauri kuundwa kwa Timu ndogo ya watu watano

 (5) ambao watakuwa ni maalum kwa ajili ya kushughulikia na kujibu hoja za CAG peke yake na timu hii iwezeshwe

 kikamilifu kwa ajili ya kazi hiyo maalum kwa lengo la kuondoa kabisa hoja zinazojitokeza.

"Pamoja na kuwapongeza kwa kufanya vizuri na hata mkapata hati safi ya CAG, lakini nendeni mkatumie

 hati hiyo safi  mliyoipata kutekeleza yale yote mliyoyakusudia ikiwemo kutekeleza Ilani ya CCM ambayo 

ndiyo inaunda Serikali yetu  na ndiyo ambayo ninyi imewaajiri, hivyo zingatieni haya na mkafikie lengo 

mlilokusudia na siyo vinginevyo, " amesema Mhe. Macha.

Awali akiwasilisha taarifa ya utekelezaji wa CAG ndg. Thobias Shija ambaye ni Mkuu wa Kitengo cha Fedha

 kwa niaba ya Mkurugenzi  wa Halmashauri ya Shinyanga Dkt. Kalekwa Kasanga amesema kuwa Halmashauri

 ilikuwa na hoja 35 za mwaka 2022/2023 na hoja za nyuma ni 69 jumla ya hoja 104 ikijumlisha na hoja za nyuma,

 ambapo 41 zimejibiwa na kufungwa, 47 zinaendelea na utekelezwaji, zilizofutwa ni 15 na majibu ambayo

 hayajakubalika ni moja.

Kwa upande wake, Makamu Mwenyekiti wa Halmashauri ya Wilaya ya Shinyanga Mhe. Nicodemus Simoni 

amesema kuwa yale yote yaliyoelekezwa na CAG na Mkuu wa Mkoa na yaliyoshauriwa na wajumbe 

yamechukuliwa na yatafanyiwa kazi ili ifike wakati waondokane na hoja zote .