HALMASHAURI YA WILAYA YA SHINYANGA KUJENGA BWENI KWA AJILI YA WATOTO WENYE MAHITAJI MAALUM

Posted on: February 13th, 2024

Mkurugenzi wa Halmashauri ya Wilaya ya Shinyanga Bw. Kisena Mabuba amebainisha kuwa halmashauri  ya Wilaya ya Shinyanga imepanga kujenga bweni kwa ajili ya kuwawezesha watoto wenye mahitaji maalumu kupata elimu katika mazingira rafiki. Kauli hiyo ameitoa leo katika halfu ya kukabidhi msaada wa kiti  mwendo kwa mwanafunzi Emmanuel Dotto mwenye mahitaji maalumwa anayesoma shule ya Msingi ya Iselemaganzi kilichotolewa na shirika la Tanzania Cheshire Foundation.

 Bw. Mabuba ametoa wito kwa wazazi na walezi wa watoto wenye mahitaji maalum kutowaficha watoto majumbani na kushindwa kuwapeleka shule hali inayopelekea watoto hao kukosa haki zao za msingi. “...Watoto wenye mahitaji maalumu sio kwamba hawawezi,wanaweza wakipewa nafasi, sisi tunasaidia ili kuwawezesha kufikia malengo yao....”

Aidha, amelishukurushirikala Tanzania Cheshire Foundationnawalimu wa shule ya msingi Iselemaganzi kwa kuwezesha upatikanaji wa msaaada wa kiti mwendo  na amewataka walimu hao kufanya kazi kwa moyo wa kujitoa maana kuna dhawabu katika kuwahudumia watoto wenye mahitaji maalum.Walimu hao wameagizwa pia kuhakikisha kuwa wanayajua mahitaji  na changamoto za wanafunzi kwa ujumla na kuzitafutia ufumbuzi.

Kwa upande wake Mwalimu Mkuu wa Shule ya Iselemaganzi Mwalimu Elias Litubijawakati akitoa taarifa ya shule, ameeleza kuwa shule hiyo inaratibu zoezi la kuwatambua watoto wenye mahitaji maalum na kushirikiana na wazazi ili kuhakikisha kuwa watoto hao wanapatiwa elimu.

Awali akiwasilisha mapendekezo ya mpango na bajeti ya mwaka wa fedha 2024/2025 katika Baraza la Madiwani lililofanyika tarehe 07 Februari, 2024, Afisa Mipango wa Halmashauri aliainisha kuwa , halmashauri imetenga mapendekezoyabajetiyakiasi cha Tsh. 128,000,000.00 kwa ajili ya ujenzi wa bweni la watoto wenye mahitaji maalum.

Shule ya Msingi Iselemaganzi ina kituo cha ubainishaji na Upimaji wa Watoto Wenye Changamoto za Ujifunzaji na inatoa elimu kwa watoto wenye mahitaji maalum.

Habari Picha

Mkurugenzi wa Halmashauri ya Wilaya ya Shinyanga Bw. Kisena Mabuba

 akikabidhi msaada wa kiti mwendo kwa mwanafunzi Emmanuel Dotto wa

 Shule ya Msingi Iselemaganzi kilichotolewa na shirika la Tanzania Cheshire

 Foundation

Mwalimu Mkuu wa Shule ya Iselemaganzi Mwalimu Elias Litubija akitoa 

taarifa ya shule wakati wa hafla ya kukabidhi kiti mwendo

Baadhi ya Walimu na wazazi wakishuhudia wakati wa hafla ya kukabidhi

 kiti mwendo

Baadhi ya wanafunzi wenye mahitaji maalum wakiendelea na masomo

 katika Shule ya Msingi ya Iselemaganzi.

Baadhi ya viongozi na wajumbe wa Kamati ya Shule wakati wa hafla ya

 kukabidhi kiti mwendo