HALMASHAURI YA WILAYA SHINYANGA YAPOKEA VIFAA VYA MICHEZO KUTOKA BENKI CRDB

Posted on: May 3rd, 2024

Mkurugenzi Mtendaji wa Halmashauri ya Wilaya ya Shinyanga Ndg. Kisena Mabuba ameishukuru na kuipongeza Benki ya CRBB tawi la Tinde kwa moyo uzalendo ambao wameuonyesha kupitia ufadhili wa vifaa vya michezo. Kauli hiyo ameitoa wakati wa mapokezi  jezi 16 za Mpira wa Miguu na jezi 10 kwa ajili ya Mpira wa Pete  kutoka benki ya hiyo yaliyofanyika katika Ofisi ya Mkurugenzi wa halmashauri  Mei 02, 2024. Jezi za mpira  zimetolewa ili kuwezesha   Mashindano ya Michezo ya UMISETA ambayo yatahusisha michezo mbalimbali ya wanafunzi wa shule za sekondari nchini.

“... ninawahakikishia kwamba jezi hizi zitakuwa kichocheo cha  kuhamasisha na kuimarisha michezo shule za sekondari na kuibuka vipaji kwa wanafunzi wetu”.

Kwa upande wake Meneja na Tawi la Tinde Bi. Agness Mnyippembe aliushukuru uongozi wa halmashauri kwa kuishirikisha benki yao katika kufanikisha jitihada za kuimarisha michezo mashuleni ikiwa  ni kielelezo kuwa  Benki ya CRDB ni sehemu ya jamii.