Halmashauli ya Wilaya ya Shinyanga yachukuwa hatua kukabiliana na Ugonjwa wa Kipindupindu.

Posted on: May 11th, 2024

Akiwasilisha taarifa ya Mkurugenzi Mtendaji Halmashauri ya Wilaya ya Shinyanga katika Mkutano wa Baraza la Madiwani Robo ya Tatu kwa Mwaka wa Fedha 2023/2024 uliofanyika Mei 10, 2024,  Kaimu Mkurugenzi Mtendaji Mwl. Stewart Makali alisema halmashauri imepokea taarifa ya uwepo wa ugonjwa  wa Kipindupindu  ambapo Aprili 30, 2024  jumla ya watu 11  waligundulika kuambukizwa ugonjwa huo katika Kijiji cha Nyaligogo Kata ya Mwakitolyo. Wagonjwa wawili walifaliki na Wagonjwa tisa walipatiwa matibabu na kuruhusiwa na Timu ya Wataalam inaendelea kufuatilia.

Aidha, alisema halmashauri imeshachukua hatua mbalimbali kukabiliana na ugonjwa huo.

“Halmashauli imegawa Dawa za kutibu maji kwa Kaya 462, tumetibu Visima vya Maji 16 na kutoa Elimu jinsi ya kujinga na maambukizi ya Kipindupindu katika Vitongoji vya Namba 1,2 na 3” alisema Mwl. Makali.

Kaimu Mkurugenzi amewataka Wananchi wa Halmashauri ya Wilaya ya Shinyanga  kuchukua tahadhari na kujikinga na maambukizi ya ugonjwa huu kwa kuzingatia mambo yafuatayo; kutumia choo kikamilifu, Kunawa mikono kwa Maji safi kabla na baada ya kufanya shughuli yoyote, usafi wa Mazingira kula chakula kikiwa cha moto  na kunywa maji yanayotoka kwenye chanzo kinachoaminika  na yawe yametibiwa.

Kwa upande wake Mwenyeki wa Halmashauri ya Wilaya ya Shinyanga Mhe. Ngassa Mboje amewapongeza wataalamu kuchukua hatua hizo mapema na kuwataka Waheshimiwa Madiwani kuwa msitari wa mbele kuelimisha jammi juu ya ugonjwa wa kipindupindu na kuhakikisha wananchi wanachukua tahadhari na kujikinga na maambukizi.

Mwenyekiti wa Halmashauri ya Wilaya ya Shinyanga akifungua Mkutano 

wa Baraza la Madiwani robo ya tatu  wa kujadili na kupokea taarifa za

 Kamati kwa mwaka wa fedha 2023/2024 wa

Kaimu Mkurugenzi mtendaji akiwasilisha taarifa ya Mkurugenzi Mtendaji 

wa Halmashauri  ya Wilaya ya Shinyanga Katika Baraza la Madiwani

 Robo ya Tatu la kupokea na kujadili taarifa za Kamati.

w

Waheshimiwa Madiwani wakisikiliza kwa makini taarifa ya Mkurugenzi

 Mtendaji wa Halmashauri ya Wilaya Shinyanga

Wataalam wakisikiliza kwa makini  taarifa ya Mkurugenzi

 Mtendaji wa Halmashauri ya Wilaya Shinyanga