BONANZA LA MICHEZO LATUMIKA KUWAHAMASISHA WAKAZI WA HALMASHAURI YA WILAYA YA SHINYANGA KUJIANDIKISHA KWENYE DAFTARI LA WAPIGA KURA

Posted on: October 17th, 2024

Msimamizi wa Uchaguzi Halmashauri ya Wilaya ya Shinyanga Dkt. Kalekwa Kasanga amewataka wananchi kujitokeza kujiandikisha katika daftari la wapiga kura kwa ajili ya Uchaguzi wa Serikali za Mitaa utakaofanyika  Novemba, 2024.

Hayo yamesemwa leo wakati wa  bonanza la michezo lililolafanyika Kata ya Salawe katika Viwanja vya Stendi ya Mabasi leo Oktoba 17, 2024.

Akizungumza wakati wa ufunguzi wa bonanza hilo,  Dkt. Kasanga amewaeleza wananchi kuwa kujiandikisha kwenye daftari la wapiga kura kunawapa sifa  ya kumchagua kiongozi wanayemtaka katika Uchaguzi wa Serikali za Mitaa.

Bonanza la michezo limehusisha michezo mbalimbali ikiwemo mchezo wa kukimbia na gunia, kuvuta Kamba na kukimbiza kuku ambapo washindi walipatiwa zawadi na Msimamizi wa Uchaguzi wa Halmashauri ya Wilaya ya Shinyanga.

Kwa upande wake Diwani wa Kata ya Salawe Mhe. Joseph J. Buyugu amewataka wakazi wa kata hiyo kuendelea kujiandikisha katika daftari la wapiga kura kwani zoezi  la uandikishaji limeanza Oktoba 11, 2024 na litamalizika Oktoba 20, 2024 hivyo zimebaki siku tatu zoezi hilo lifungwe.

“Serikali za Mitaa, Sauti ya Wananchi, Jitokeze kushiriki Uchaguzi”